أدوكو أوراغ

أدوكو أوراغ أيادوكو- ن – تمسيلت           aduku awragh ayaduku-n-tmsilt

نكا سرك ئمودال نك أساون                      nkka serk imudal nkk asawen

نستارا سرك أيت باها كيغ تاصورت          nstara srek ayt baha kkigh tassurt

ئغ كيد ئكنا ؤخراز ؤر تكيطييت                igh kid igwna ukhrraz ur atkittiyt

نكا سرون أساراك ؤلا ئيغاراسن                nkka serwn asarag ula iygharasen

ؤلا أسايس ؤلا تيكما ئينمغورن                 ula asayes ula tigmma iynmghuren

ئدوكتن ئدبو تمزوغين وراغن                  idukan id bu tmzzughin wrraghen

كان كنت أ- دار البيضاء كان تاساوت         kkan kent addar lbida kkan tassawt

ئدوس ييلم ؤر أت مدون ئيغاراسن             idus yilm u rat mddun iygharasen

أرتند لسان ئنرزاف – ن – تمولايت          ar tnd lssan inrzaf n tmulayt

ؤكان أرتن تاران العدول –غ- ليقامت        ukan ar tn ttaran l3dul gh li9amt

كان –غ- ووكريس ئليزار أسمون نس       gan gh wukris ilizar asmun ns

كان سرس ئركازن ؤشفود ؤر أتحناون      kkan srs irgazen uchfud ur athnnawn

كين سرس –غ- ييض أمودو ؤر أتمراتن kkin sers gh yid amuddu ur atmrraten

أدوكو أوراغ أيادوكو نك أييلم                aduku awragh ayaduku nk ayilm

تقاشرتومليلين كاد ئساشكا ريي نس        te9acher tumlilin kadd issachka rri ns

ئلين أتيك –غ- ؤلموكار نك أغوشت       ilin atig gh ulmuggar nk aghuchet

أد ؤكان ييلي –غ- ؤضار ئيسملالن        ad ukan yili gh udar iysmlalen

أرد ئتاشكا- د- ؤقندريسيي ملولن           ard ittachka d u9ndrisiy mllulen

أرد ئتاشكا –د- لوازير ؤلا رايس           ard ittachka d lwazir ula rrayes

أد ؤكان ئلين –غ- ؤضار ئفك لخاطر      ad ukan ilin gh udar ifk lkhater

تيليمت أتايري –غ- ؤكنس- ن- تملحافت tilimt atayri gh uwgns-n-tmlhaft

أد ؤكان ييلي  -غ- ؤضار أيعشافن         ad ukan yili gh udar ay3acha9en

يامز ؤفوس بو دبليج أتاي –غ-ؤسايس    yamz ufus bu ddblij atay gh usayes

ئرزمد لحباق ئتوجوتين فلاسن              irzmd lhba9 itujjutin fllasen

لبسيس ئكلا-س- تالوزين أيروكوتن        lbsis ikwla s talluzin ayrukuten

ئما تورزيين أد ؤر ئتماطالن                  imma tuwrziyin ad ur ittmataln

أكا سوقنت لعرباء طرزم ئمي نس          akka su9nt l3rba trezem imi ns

ئخصوكم ؤخراز أكم تصمارن              ikhasu km ukhrraz akm tsmmaren

أدوكو أوراغ أيادوكو- ن – تمسيلت        aduku awragh ayaduku n tmsilt

 

 

 الشاعر : محمد اوشن                                            ouchen mohamed